كتاب وآراء
ساعه عصاري
متخليش إحساس الوحده يضحك عليك ويوصلك انك دايما علي الهامش وملكش وجود او غيابك زي حضورك وملكش بصمه في حياة حد او انت مش المفضل في حياة حد ..
انت بس محتاج تفتح عيونك كويس وهتلاقي نفسك مؤثر في حياة الناس المقربين منك مهما كان وجودك هادي وصامت هتلاقي صمتك وسكوتك دا مهم اوي بالنسبة ليهم .....
وممكن تكون مهم اوي في حياة ناس مش مقربين منك ولا بيخطرو علي بالك من الأساس بضحكتك بصباحك برد فعل بسيط منك جبر خاطر حد كان محتاجلك في يوم بوقفتك جنب حد كان لوحده بمكالمة تلفون في وسط اليل من حد كان بيدور علي حد يسمع أحزانه التافهه ...
طول ما عندك شخصيه ومبادئ واضحه وأفعال حتي لو انت شخص هادي وساكت هتفضل معلم في حياة اي حد تدخل حياته هتفضل سايب بصمه وعلامه حتي لو مخطرش علي بالك الاشخاص الي علمت في حياتهم مكانتك في حياة الناس يحددها افعالك لو لقيت مكانتك في حياتهم مش قد افعالك اعرف انك في وسط الناس الغلط مش انت الي مهمش انت دايما مهم في حياة شخص ما
