الأدب

غرام الشوك

كتب في : الخميس 28 نوفمبر 2019 - 1:13 صباحاً بقلم : نعمات عماد القاضي

غرام الشوك

يمين الله أنا عاشقة الوجع
خليه
ولو ماتت عروق مني
منيش هرميه
ده من ريحتك
أنا برقيه
جراحه هلمها ف حضني
تعوضني غياب لياليك
مدام يرضيك
بتبدر جرح جوايا وانا برويه
و بستعجل أنا طرحه
عشان أواسيك
كمان الشوك بيحضنني
يونسني ليوم ماالاقيك
يمين الله أنا واخده الألم بداديه
ولو زعل الحنان مني
وقام يبكي
هسيبه يواسي دمع الحيرة وهكمل
واقول له أمانة همسحها
في يوم الغربة ماتسيبني
وألقى عنيا حاضنة عنيه
صحيح يمكن ف يومها أقول
(حيرت قلبي معاك)
لكن دا عتابي مش هيطول
و ساعتها هيحضن قلبي رمش عنيك
واقول لك والحنان هايم
في نور لياليك
عايز تبعد خلاص ابعد
ومش هنساك
هنا أرضي وغطايا سماك
هيفضل فكري يسرح فيك
وهفضل بردو مشتاقة
لحضن عنيك


 

بداية الصفحة