يفتتح اليوم الرئيس عبد الفتاح السيسي مشروع الإسكان الاجتماعي المرحلة الأولى والثانية بحي الأسمرات بالمقطم .

وقال الرئيس تعليقا على صور العشوائيات التى تم عرضها خلال الافتتاح: "أنا لما كنت بشوف الصور اللي بتيجي في التليفزيون كان بيوجعني الشكل ده وبقول للمصريين لا يمكن نسمح بيه.. لو هنقسم اللقمة".

وأضاف السيسي: "إحنا لما حرصنا على إن جمعية الأورمان تكون موجودة هنا حرصنا على إننا نشاور على كل واحد بيمد إيده وجهده، فيه 4500 قرية عايزين نقوم فيها بالتطوير اللي حصل النهاردة، وفيه قرى أكثر احتياجا وإحنا بنتكلم على اللي جوا القرى نفسها وكنت قاعد مع الجمعيات من 9 شهور وقلتلهم يلا نعمل حاجة وحجم اللي مطلوب كبير".

ووجه السيس الشكر للجمعيات: "بالمناسبة دي بشكر كل الجمعيات اللي بتساهم في تخفيف الآلام وبتحط بسمة على شفاة المواطنين علشان نغير الحياة اللي إحنا شايفينها ديه" ، مضيفا عن السرعة في أداء المشروعات قال :"لما كنت بكلم اللواء ممدوح وقلتله إحنا مينفعش نكثف العمل أكثر من كدة قاللي إحنا بنجيب أهالي القرى نفسهم يشتغلوا".

وعن فرش بيوت الأهالي قال السيسي :"موضوع الفرش التجربة إحنا بدأناها في غيط العنب وخلال شهر أو 2 هنكون بنسلم 1600 وحدة سكنية وفكرة إننا نفرش الشقق أكيد الناس اللي موجودة في الأماكن دي مش هتقدر وأنا عارف إن ده عبء".