الأدب
إرجع للخلف
دى الطوبه رصاص
وانا مطرح ماهخطي بعلمي
لازم اقدامي هتتباس
ارجع للخلف
دي الطوبه رصاص
واحذر غضبي
الكرهه المتعبي ف قلبي
فاض ومعدي
كاتم على روحي الانفاس
ارجع للخلف
دي الطوبة رصاص
القدس دى قدس
القاف قيمه
والدال دنيا
والسين دى سلام
اش جابك ليها يا نخاس
ارجع للخلف
دي الطوبة رصاص
انا عمرى ما اموت
الميت عندي بيبقى شهيد
من صلب شهيد من صلب شهيد
يعني احنا اسيادكم يا عبيد
نهايتكم على إيدينا خلاص
ارجع للخلف
دي الطوبة رصاص
انا عندي بنات ارجل منكوا
وشجاعة اطفالى العزل
رعباكوا ومش بتنيمكوا
والراجل عندي بجيش كامل
بيضحي عشاني بكل حماس
ارجع للخلف
دي الطوبه رصاص
الشايب على ارضي يؤش
يدفن أولاده وبيكمل وياكوا اللعب
الصعب عليكوا سهل عليه
علشان مؤمن بوجود الرب
بيكفن أولاده بحب
ويداري دموعه على الناس
ارجع للخلف
دي الطوبة رصاص
ارجع اكتر وأكتر وأكتر
فاضل كام خطوه ونتحرر
ونحج فى ارضك يا حبيبتي
يجمعنا فى الاقصى الدين
الجنه ف أرض فلسطين
ونعيش على بابك حراس
ارجع للخلف الخطوبه رصاص
ارجع للخلف
الطوبه رصاص
شيماء_عشيبة
