الأدب

صباع رووج

كتب في : الخميس 10 يونيو 2021 - 12:28 صباحاً بقلم : إسراء حراز

 

علي سطح مرايه ذكري زماني ..

بلقاكي في عين الولد النار

جنيه بترمي الشمس ف قلب الميه تبوش  ...

وانا اصل هزارك مبحبوش

فامتثلي وشيلي السالب من احضان الموجب عييب ...

تيار كهربتك مابيمشيش

ف عروقي لأني خشب ومافيش ...

جوايا دواير حلم تساعك ...

شيلي دراعك ماتحاوليش

انا عارف طعم صباع الروج ...

لا مانيش محتاج اتاكد منك

ان البحر ف صدرك ازرق ...

وان التوت_البني_اللون بيعوم عالموج

وان السيف اللامع جمب رموشك بان معووج

وان الشمس عشان ماتنور لازم تاخد إذن شفايفك

وان جرابك لسا هيطلع منه كتير للي يعوز

والممنوع علشاني يجوز ..

اسف جدا ....

انا مش هو عمري في يوم ماهكون أراجوووز

 ****************** 

إسراء حراز

 

بداية الصفحة