أخبار عاجلة
رئيس الاتحاد النوبي: اعتصامنا محاصر في الصحراء من كمائن الشرطة.. ونطالب بحقنا الدستوري ليس إلا
أشاد محمد عزمي، رئيس الاتحاد النوبي ومنظم اعتصام أهالي النوبة، إن الاعتصام مُحاصر فى الصحراء بين الكماين، وأن قوات الأمن منعت عنهم دخول الأكل والشرب، وموضحًا أن الوفد الذي جلس مع مدير أمن أسوان والمحافظ لم يمثلهم، وأنهم يطالبون بحقهم الذي يقوله الدستور".
وقال عزمي ، امس: "احنا متحصرين فى الصحراء بين كمينين، وقوات الأمن منعت عننا الأكل والشرب مفيش غير مرة واحد إمبارح مجموعة من السيدات دخلوا لنا أكل بالعافية".
وأضاف عزمي، أن "نائب المنطقة العسكرية أتى الينا بالاعتصام للتفاوض معانا على فتح الطريق وانهاء الاعتصام، واحنا ردينا عليه أن مش احنا اللّي قفلين الطريق دي الشرطة، لو الشرطة فكت الحصار الطريق هيمشي، واحنا مش عاوزين حاجه غير حقنا اللّي الدستور بيقول عليه".
وأوضح عزمي، أن "الوفد الذي جلس مع مدير أمن أسوان والمحافظ غير مسئول عننا، دول ضد النوبيين، واحنا قعدين ومش هنمشي إلا بتنفيذ حقنا اللّي الدستور بيقوله حتى لو موتنا، ولو حصلنا حاجه فالدولة مسئولة عن اللّي هيحصل".
وتابع عزمي، أن "كل من يقول أننا عاوزين ننفصل عن مصر والكلام الفراغ هم الإعلام والمواقع والجرايد والأشخاص واللجان الالكترونية التابعه للنظام واللّي عاوزين يكرهوا الناس فينا، احنا مش طالبين حاجه غير حقنا اللّي للمرة الخمسين الدستور بيقول عليه".
