الأدب
الموت حياه
الموت حياه
****"""*****
اوقات بحن للأموات
واسرح وأقلب فى اللى فات
واحكى وافضفض بالساعات
القانى واحده منهم
موجوعه بتنفس اهااات
والوقت مُر من الحاجات
اللى اتبنت على ذكريات
مانا نفسى اطلع عندهم
عايشين هناك هو اللى حى
ولاحد خايف م اللى جاى
ولااى حزن وأى أى
ولا حتى مخنوق حلمهم
يصبح صباحهم بالهدايه
حتى اللى ضدى بقوا معايا
فرحة بنات وقلوب صبايا
تشرب محبة صدقهم
والناس هناك زى الحقيقه
مايحسوا بالحزن لدقيقه
ولا حد يقتل روح بريئه
ولا حد يسرق فرحهم
عادى كمان لو يوم يبان
الحق ساطع والأمان
والخوف يبان أنه جبان
والعدل كائن زيهم
والروح تطير زى الحرير
والأخره خير لقلوب كتير
بالحب تصدق وبضمير
والجنه تحلى بقربهم
وارجع أحن للأموات
وأسرح وأقلب ف اللى فات
وافرح بقربى منهم
******************
نورالجنه درويش
