الأدب
ولسه الليل طالع له نهار
ولسه الليل طالع له نهار
(ضاقت ولما استحكمت )
مااتحكمتش كتير
ماضاقتش ولا حاجه
لو حتي خلق كتير
م العوزه مجتاجه
فـــ امسح دموعك يا فرج
ده العتمة منها النور خرج
والصبر مفتاح الفرج
احنا اللي لو صبرنا
واصل لسابع سما
بقلوبنا نطلع له الدرج
وندحرج الدمعة الحزينه
لتحت باط القدم
نستدعي ضحكتنا القديمة
نشدها م العدم
الحزن يمشي بعيد
والياس نلقاه هرب
حاول تكون مبسوط
جرب تلم الصوت
ينده علي الافراح
تلقي اسااك نبوت
والذات طريق لنجاه
جرب تقول ياحياه
الموت يكون رحال
ويلم كل جراح
اوعاك تكون نوااح
اياك تصير مدبوح
والقهر منك فاح
كونك ياصاحبي براح
والدين محبه ....سماح
الله رحيم وعليم
الله كريم غفار
سيدنا النبي رحمته
ربك حماه في الغار
سيدنا ابراهيم الخليل
محفوظ في قلب النار
موسي الكليم عبرة
اليم كان له سبيل
والقبر للكفار
يونس في بطن الحوت
سابح مع الملكوت
بالتقوي واستغفار
عيسي في امان يابتول
من كيد جهول مكار
افكار كتير مقلقة
خليها ع الستار
ياخلق متشرنقة
محتاجه تخرج بقي
بكرة الطيور هتعود
تحضن بعشق ورود
وهنسمع الزقزقه
