الأدب
مجلس الشعب
عاوزين يرشحوونى فى مجلس الشعب
ليه يدوقوونى المر بحزن ويشيلوونى الغلب
طول عمرى ماحفظتش جدول الضرب
حتى الذاكره مافاكره شرق من غرب
حرام عليكم تخلوونى أعيش فى كرب
بلاش حكاووى جبتوا ليا وجع الكلاووى
فى طلب الاحاطه النفس ماهى خطاطه
خلوونى قاعد مكانى وعيوونى بصاصه
لماشكلى ماهووش حلو زى رشدى أباظه
لحظات أسرح فى اى مطرح وعقلى يروح بأجازه
مالقيتشى مكان كنت زمان والله أفرح
دلوكتى كلام الناس ياعم داير بيجرح
على ايه همه يومين ولا ساعتين وهنعيشهم
أخرتها رايح فى حفره مترين وقيسهم
عايش مع الايام أه ياخووفى لانزل فى مطب
ويصبوا عليا الغلب صب مادام مافيه حب
بلاس ابعدوونى وماتجيبوا لياسيرة مجلس الشعب
الشاعرالبدرى ابراهيم
ثقافة جرجا
