الأدب
فى صحن الدار
فى صحن الدار
قاعد ابويا عمود الدار
يحرك سبحه فى استغفار
وامى بتلهث من صهد النار
بتحضر طبخه للزوار
وبطون صايمه مستنيه ادان
فى صحن الدار
طبليه وفوقها صنيه رز وتقليه
طبق صلطه حادق وخضار
سمو عليها يبارك فيها
فى صحن الدار
ركن عباده مفروش سجاده
يصلو عليها كبار وصغار
فى صحن الدار
جوه جداره مدفون اختى
من غير اسم ماتسمتشى
فى الليل الصامت احكيها
فى صحن الدار
على الجدار صوره ل
جدى وستى واخ مسافر
واخ شهيد
جوه برواز خشبى عتيق
بيفوح منه عبير الجنه
فى صحن الدار
داخل لليل ومعاه اخويا
طالق لحيه
بيحرم ويحلل على كيفه
والتانى عايش علشان كيفه
فى صحن الدار جى نهار
خارج اخويا شايل عده
يصنع بيها
الله يعينه ويقويه تكلنا عليهم
وعلى خلقهم من ابليهم
شعر# رحاب رفعت#
