الأدب
مشاعر مقهورة
يغور الحب و سنينه .
مدام الحب أصبح شئ من الآخر
شعور ساخر ووقت لطيف
بدون إخلاص بدور حساس .
برود إحساس بيتظاهر
بوهم و زيف
بلعبه و فكره مجنونه .
ب 100 عفريت ومعجونه
عشان يبقا الكلام ع الكيف
ويعمل نفسه مش فاهم .
عبيط سازج و دا كبيره
بيستعبط بشكل سخيف
يغور الحب لو يصبح .
يادوب كلمه بتتلخص مابين اتنين
فى كام مرسال
ولو هايكون فى يوم .
فجأه بتتحول مشاعره لغنوة
تتغنى وكام موال
ولو هايتم بعد العرض .
تخفيضه و سارى العشق جارى
البحث عن أفعال
لفترة حلم محدوده وممدوده .
لموسم غدر أو سيزون يساوى
الحلم بالتخريف
يغور الحب لو مش .
بر بالحبيبين وطاعة عشقهم
واجبه على الطرفين
لا حد يبيع ولا يصللت .
شيطان إهماله ع التانى يضحى
بعشرة ع الغالى تكفى سنين
ولا يفكر فى وقت الجرح .
ما يداوى ولا يفرق ما بين
الضحكة والدمعه فى نن العين
يصبر دمع أحزان المحب .
يواسى و يهون يطيب خاطره
لو حس انه لسه ضعيف
يغور الحب لو يجمع .
غرام قلبين ويسجنهم عقاب ليهم
بدون أعذار
يعشم ف الكلام بينهم .
يطمنهم ويظلمهم ويهرب فجأه
ويسيبهم فى وش النار
يفرق بين أراضيهم يكرههم .
فى نفسيهم بحجة كل شئ قسمه
ونصيب أقدار
وبعد رصيدهم النافذ .
بكام شحنه على الطاير تصير
الكلمه مخرجها بدون تعريف
يغور الحب لو يزرع .
مرار فى الحلق وينبت جناين دمع
أوجاعه بتنزف قهر ع الخدين
يبات شارب الم يطرح .
ثمار قسوة سنين أحلامه وهم
و هم حرق الدم بالفدادين
وجرحه يطول و يصرخ .
صرخه تشرخ قلب و تسمع
جدار الصدر يتقسم مقام نصين
يعلق ذكرى منسيه .
ف ملف العقل محفوظة ومتشاله
فى درج الماضى فالأرشيف
يغور الحب لو يفرض .
على الإنسان يهين نفسه
ويكسرها عشان أحباب
يموت أفضل ولا يذلش .
كرامته لحد بيحبه ولا ينزلش من
قيمته ف سبيل إعجاب
مقامه يكون على دماغ .
اللى داب فى هواه و يبقا معاه
مايتبدلش أو يبعد بدون أسباب
ولا يقللش مش شأنه .
و يصبح نور لأيامه ولو كان
اللى عاشقه كفيف
يغور الحب و سنينه .
مدام الحب أصبح شئ من الآخر
شعور ساخر ووقت لطيف
كلمات : وليد المصرى
