موّٰال الصبر من صبري اعتزل

بنالُه بيت ومن طوب الأرض اتخذل

وجروحُه لا بتتداوى ولا بتشفٰى م اللي حصل

ويا عيني عليك يا قلبي اقطع اللي اتوصل

ما في حد يستاهل تضيّٰع نفسك عشانُه

ومفيش اللي يشيل خاطرك على راسُه وتكون كيانُه

اقطع العرق وسيّٰح الدم واعمل نسيانُه

وحياة اللي كان ما هيرجع حد لمكانُه

وبكرا دموعهم تجري بنهر الندم

ولا يهمك أصلهُم صفر ومن غيرك عٰدم

سدِّي الريح اقفلي الباب يا قدم

الكلام ما عاد ينفع خلص العشم

وانكتبلي في عز الليل أكلمني عن حالي

وعمري اللي ضاع عٰ اللي افتكرتُه عزيز

طلِع رخيص مش غالي

وإيه اللي رماك عٰ المُر

قُلت قلبي اللي طيبتُه طاوعتهُم

وكانت السبب في اللي جرالي

سيبت حقي بإيدي وقٰصٰرت الشر

خٰبِّيت حزني وعشت أفراحهُم

ولقيت اللي بيشمت كان فوق الجبين عالي

واتهدت الدنيا على روس العُزاز

والصغير لبس توب مش مقاسُه

ودُوست عٰ اللي انكسر جٰرّٰحني الإزاز

بٰصولي بعيونهم وقالوا تستاهل

دُنيتنا مش للي عنده إحساس

قالوا الخسيس وقليل الشأن احنا حُرّٰاسُه

وعلى روسنا نشيل من رجليه المداس

وأمّٰا تخلص حاجتنا منُّه نرميه

ويلبس في حفلتنا أكبر قرطاس

وأديني قاعدة جنب الحيطة

لغاية ما أسمع الزيطة

وأروح الحفلة بالريشة

وأحضر الزفة وأسقف بالتشريفة

وأشوف عنيهُم في الأرض مكسورة ضعيفة

أنا أصل روحي خفيفة

والفرحة تنُط من عيني شفيفة

بقلم الشاعرة/حنان فاروق العجمي