الأدب

“عبدة الدولار “

كتب في : الأحد 19 إبريل 2020 - 10:56 صباحاً بقلم : سيد البالوى

كنت ماشي مرة حتة 
فيها راجل عمره يعني 
قول معدي من السنين 
قالي يابني انت قاري 
قلت حاصل ع الشهادة 
والقرايه شيء بسيط 
قالي تسمع ع اللي حاصل 
قلت فين ؟
قال فى سينا 
قلت سينا فيها جيشنا 
واللي فيها مش داوشنا 
دول شوية مأجورين 
قالي يابني المصيبة يابني اكبر 
بكرة لما زيي تكبر 
تفهم الخطر  الأكيد 
الجهالة والتفاهة والمساندة للغريب 
يابني عيب 
جيش بلادنا فيه ولادنا 
وهو تاجنا والمعين لينا وسندنا 
تفهموا معنى السند 
اللي ليه ضهر وادين
عزمه حديد
يقدر يقوم يقدر يشيل 
يقدر يكون بين الجميع واقف شديد
متصدقوش يابني اللي خان 
الحق باين للعيان 
الجنة مش ملك الدقون 
ولا للي يقتل شاب واقف يحمي أهله 
ويحمي عرضه ويحمي ارضه باسم دين
ملهوش ديانة او ايمان 
ملهوش أمان  
دول كدابين دينهم دولار 
هو اللي يعرف ربنا يابني بيسعى للدمار
دول يابني همه الكفر والكفار 
واللي يصدقهم غبي 
شوف وشهم شوف فعلهم 
تعرف حقيقة كدبهم والشر والأشرار 
يابني العمار هو الصحيح 
واللي بيفدي الناس ويحفظ أمنهم 
هو اللي مؤمن مؤتمن 
مش ناس بتعبد فى الدولار 
افهم ياابني وانتبه 
قبل أما تسال مين في جنة ومين فى نار
شوف مين بيهدم كل شيء ومين بيبني ويجتهد 
#سيد_البالوي

بداية الصفحة