قالت رحمة الأدهم، شقيقة مودة الأدهم، إن الحكم الصادر ضد شقيقتها لم يكن متوقعاً، قائلة: ” كنا منتظرين الرأفة شوية نظراً لحداثة سنها ومابتعرفش إيه الغلط وإيه القوانين حرام تترمي مع بنات ليل جايين من كباريهات”.

وأضافت “الأدهم” باكية، في مداخلة هاتفية مع برنامج “القاهرة الآن”، المذاع على فضائية العربية الحدث الذ ي تقدمه الإعلامية لميس الحديدي، قائلة: “كل بنات جيلها بتلبس كده؟ إيه الإغراء اللي هيا عملته؟ أنا دلوقتي مش عارفة أمشي بولادي في الشارع بعد التشهير ده والكلام اللي إتقال علينا في كل حتة ؟ أختي ناجحة طول حياتها أنا مش مصدقة أبويا مكنش مصدق وكان بيشوفها بالعافية في المحكمة.

وتابعت:” نفسي اشوفها حتى لو في زيارة إحنا عيلة بسيطة بناكل ونشرب ووننام مش فاهمين حاجة في البلد حتى الوزراء مانعرفش أسمائهم”، مسطردة: “أختي كانت فاشون وجسمها حلو وهي شخصية مرحلة وضحكتها في وشها وتسعد كل من حولها حتى عندما كانت تزورنا في البيت كنا كلنا بنضحك”.

ونفت شقيقة مودة الأدهم، أن تكون مودة هاربة من منزلها مشيرة إلى أنها إبتعدت للتركيز في الدراسة وكنا على إتصال دائم بها ونعرف كل تفاصيلها.

تابعت قائلة: “هذا التطبيق مستخدم في مصر ومرخص وكل الناس بتستخدمه وهيا مكنتش تعرف القانون وأنا بقالي ثلاثة أشهر ماشفتهاش نفسي أشوفها وأعد معاها أنا اللي ربتها على إيدي أببويا تعبان وأمي مريضة ومنهارة “.