الأدب

... ' عنيده وعندي ده هوايتي ' ...

كتب في : الخميس 16 ديسمبر 2021 - 12:47 صباحاً بقلم : أسماء رمضان

 

مسير الوقت هيعدي 
بذرة عند وتحدي 
لأني مصممه أوصل 
وهكسر حاجز المفصل 
عنيده وعندي ده هوايتي 
شقوق الكبت في مرايتي 
مسير الوقت هيعدي 
مسير الوقت هيعدي 
كسيره الدنيا كسياني 
بقله حيله عيباني 
وظلم وقهر 
ووجع الدهر 
مسير الوقت هيعدي 
ماراح أندم علي غيبتي 
حذاري ياقلبي تشغلني 
نزفت كتير دموع مني 
في جرح وشوق 
وسهري يفوق
مراحل ذل فيها ضحكت 
وصنفته سند فا صبرت 
وقلت مسيرها هتعدي 
بضحكه نورت خدي 
مسير الوقت هيعدي 
وهنسي المنسي بالفاكر 
في منفي المعترف ناكر 
حقيقي الصبر بيجلي 
مسير الوقت هيعدي 
مسير الوقت هيعدي 

*********** 
الشاعره أسماء رمضان

بداية الصفحة