الأدب

رجل من زمن اخر

كتب في : الجمعة 26 يونيو 2020 - 11:13 مساءً بقلم : رحاب رفعت

أنت اقوى من أى زعل

علشان حبك صادق

ابدا مش مفتعل

واللى يحب

ديما بيكون قوى

القوه فى الطيبه والبساطه

لانك بتجيب من الاخر

 وعلى بلاطه

مش جليطه منك

 او شغل عبط

انت كده مش بتحب الغلط

ومتقدرش تبلع الزلط

منتش بحر يعنى

وان بكيت

من الظلم مره

دمعتك بتوجعنى

بيقولو الراجل مبيبكيش

وان بكى

دمعته تنزل

 فى الدره بشويش

سعات الدمعه بتريح

وسعات بتجرح أوى

وانت اصلك

صوره وظل

 فى الفجر تظهر مبتهل

وفى العتمه بتكون القمر

سعات ضبابه بتخنقك

فتبان حذين

وسعات نجوم بتدور  حواليك

 فى نفس الفلك

بتحولك ملاك بجناح

وحمامه واقفه بتشبهك

بتطوف حوالين الكعبه وبتدعى

ربى ينصرك

---------- 

رحاب رفعت 

بداية الصفحة