الأدب
صاحب كل نبضة ف حياتي 'بالعامية المصرية '
إنتَ ياللي بتسمع سُكاتي
يا صاحب كل نبضة ف حياتي
ياللي بتفهمني من عنيَّا
ياسبب ضحكتي الحلوة دِيَّا
خَلِّيت معنى لحياتي
انتَ ياللي خَبِّيت عنيك
وروحي دايمًا بتناديك
اسرقني من عالم أناني
احييني بطَعم تاني
طَعم أحِس بِيه
ويقولوا احلَوِّت لِيه
انتَ ياللي قالت حروفك
إنِّي لوَحدِي بَس لِيك
لو غِبت يوم عَلَيَّا
لا تطلع شمس لِيَّا
ولا يهِل قمر ليالِيَّا
يخاصِم النوم عنيَّا
ويحتاروا إيه جرالِي
تتغَيَّر أحوالي
إنتَ ياللي عِشت ف كياني
وسكَن أحلامي طيفك
واللأ على لساني
قالت أيوا بَس لِيك
قلبي بيتمنَّى قُربَك
عايش في حُضن قلبك
هو إلِّلي جذبني ليه
وشيء غريب أخدني
روحت لدُنيا تانيَة
فاتحة أبوابها لِيَّا
والورد حواليَّا
يبعَت شُوقي لِيك
بقلم الشاعرة / حنان فاروق العجمي