الأدب
... ' خبث وش ' ...
اللى قالك حاجه عنى
هو نفسه اللى قايلها
واللى عامل قال فاهمنى
يروح يشوفله كدبه غيرها
اصله مش سهل اللى منى
يبيعوا سيرتى
وينسوا خيرها
واللى فارق عندى عادى
مش فاضيه انا
لآلوان رمادى
حتى لوشوفته قصادى
هآعمل انى واحده غيرها
لا واروحلها اشتيكلها
م اللى عنده الخسه طبع
واللى وقت الشده عنده
تلقاه عامل فيها سبع
وبكلامه الحلو ده
يصعب عليك
لو تواجهه مشكله
يجرى عليك
وف ثانيه تلقى ابوالعلا
باهت عليك
انا مش هاسيبك للقضاا
انا هشتريك
ولوف يوم شمتوا العدا
تلاقاه فى ضهرك يطعنك
يتشافا فيك
والكدبه تصبح اسئله
حوالين ماضيك
من امتى شوفت البهدله
ياااه ع الصديق
العمده اصل البهدله
وعمل شريك
والشركه اصل المشكله
وكلامى ليك
نورالجنه درويش
من ديوان دموع الشمس
