من يحاسب نواب الشعب ....
حلم المواطن البسيط كان نائب البرلمان يتكلم بأسم الغلابه والمطحونين حلم كان مشروع لجموع المواطنين ولكن فى لحظة وجدنا نواب الشعب ليسوا لسان حال الشعب ولكن هم نواب الحكومه فى مجلس الشعب الاسعار والغلاء والقوانين العرجاء تقتل أحلام الغلابه ونواب الشعب فى ثبات عميق كل يوم سلعه بتزيد والحكومه عامله ودن من طين والكارثه ان الحكومه فاكره أن الشعب بيعيش ولكنهم بيموتوا كل يوم من الغلاء والاسعار كل يوم تقول أربطوا الحزام حتى الحزام داب وأنقطع من كل يوم شد الحزام والطامه الكبرى ناس عايشين فى القصور وناس ساكنه القبور وموظف غلبان من 3 سنين مش عارف يزيد كام جنيه يدفع بيهم الايجار والعلاج ويفتح بيهم البيت وبدلا من حلول من نواب البرلمان وجدنا قوانين متتاليه لقتل الاحلام ويأتى على رأس القمه قانون الخيبه القويه الخدمه المدنيه اللى كان فى لحظه مرفوض وفى ثانيه رجعوه ومعاه القيمه المضافه علشان يكمل على الاسعار ويجعلها نار كل يوم جديد وقوانين ونواب الشعب مازلوا نايمين مين يحاسب النائب الذى كان حلم لآمل جديد طلع نائب للحكومه ولا عزاء للمواطنين
