الأدب
' فلاح '
فلاح بيقولوا أرارى
وف طبعه لئيم بيدارى
وأنا شايفه ده ظلم كبير
دى قناعتى ودى افكارى
فلاح مرفوع الراس
وسلاحه ف ايده الفاس
الشقا مرسوم على وشه
والطيبه ويا الاخلاص
النخوة وكل رجوله
وثقافته الغير معقوله
والغيرة على بيته واهله
باينه وهو ف سنه اولى
بيقولوا عليه مش شيك
ولاهوش لابس ع الموضه
ودماغة ناشفه ومتحجر
افكاره عقيمه وسوده
غلبان يا اللى بتتكلم
وتصور حد ودود
ده الجاهل والمتعلم
ثقافه ومالها حدود
مش شرط يكون ع الموضه
ولا عيل تافه سيس
الشرط يكون متربى
مش اصله جبان وخسيس
ولا عمر الشخص بلبسه
والاجمل صفه محفورة
وإذا كان مولاك ف علاه
مش بيحاسب ع الصورة
#إيمان