أخبار عاجلة
شاهد ...شادي أبو زيد: أنا كنت زمان بخاف.. دلوقتي بقيت مرعوب
شادي، قال: "شاركت في ثورة يناير زي ما كتير من المصريين شاركوا فيها...وعمري ما هندم على مشاركتي فيها...الحقيقة إني بعتبر نفسي محظوظ إني شاهد على اغلب أحداث الثورة من أولها لاخرها...شوفت كتير زي ما كتير شافوا".
كما تحدث في بيانه عن عمليات سحل البنات التي تمت خلال ثورة 25 يناير، وعن خوفه من ردود الأفعال بعد فيديو "بلالين الشرطة"، قائلًا: " الخوف دلوقتي مبقاش على نفسي...لأن التهديدات خلت عيلتي كمان عايشة في رعب...بيدفعوا تمن حاجة أنا اللي عملتها...كتير بيشتموني بأهلي على إنهم ربوا واحد زيي...بس اللي اغلب الناس متعرفهوش إن والدي من زمان بيصدق النظام وبيأيده...وعلى فكرة هو ده إحنا...أفكارنا غير أهالينا".
وأضاف: "أخيرا...شعور غريب انك تبقى محبوب في يوم وتلاقي كل الإعلام مقلوب عليك وعايزينك معاهم علشان أنت موهبة واليوم اللي بعده تلاقي في حرب عليك من كل الأطراف بمجرد انك قولت اللي أنت عايز تقوله مش اللي هم عايزينك تقوله، ممكن أكون كنت بخاف زمان...بس دلوقتي أنا مرعوب...بس هفضل بعمل اللي في دماغي حتى وأنا مرعوب".
