الأدب
من حقي أعيش مستور
ومن حقي أعيش مستور
وأتعلق بخيط من نور
ولو حتي الأمل مهجور
لازم أبقي واكون أقوي
مانا مسلم وربي غفور
ومهما ليل الشتاا يطَول
هجيب العمر مالأَول
وهتدفي بإيمان قلبي
واخلي الحب نور دربي
وهأغزل من ندي روحي
حياه صافيه اداوي بيها
انا جروحي
ويبقي الحب حريه
وتكمل قصتي بيا
لا انا طماع ولا راح اقول
لأحلامي دي نجمه
بعيده خياليه
ده العمر سنين وبنعيشها
ولو قمره نموت في اليوم
ميتيان مره ونلمسها
هناخد ايه من الدنيا ومافيها
بقالنا كتير بنستهتر واخر القول
بنبقا ضيوف بأراضيها
ومين ضامن ياناس جنه
ومين بحياته يتهني
عشان يعمل زعيم فيها
معدناش ليه ياخلق نخاف
علي بعضينا ونسامح
وهناخد ايه من الخلافات
لمانقول كلام جارح
محدش ليه بينسي الكره ويعافر
واقولك ايه وليه الحب شيء نادر
فبلاش تحسبها وتفكروبلاش
من الحب تستغفر
وخلي الخيركده موصول
وصدقني ولا هتتعب واكيدهتنول
هتنول الرضا بقلبك
وهتبقي ناس كتير جنبك
وهتكتر خيوط النور
فبلاش تعيش كده في الدور
ماتعقلها وكفايه غرور
كلام من نور
**********
بقلم / نورالجنه درويش
