الأدب
أنا بنت مصر
قلبي في حالة حداد
على بلدي وكل البلاد
اللي الظلم فيها ساد
والإرهاب من غير ميعاد
رحمتك يارب العباد
تحمينا من الظلمة الأوغاد
كفايانا ظلم وقهر وعناد
كفايانا كدب وغش وإستبداد
أنا أخت لكل مصري مات شهيد
أنا أم لحنان ومينا وعبد المجيد
أنا خاله وعمه وجده لكل حفيد
أنا بنت مصر اللي في قلب كل مصري أكيد
أنا المنصورة اللي الجرح فيها سايل وبيزيد
قنبله غدرت بأولادي وفتت حتي الحديد
وفي حزني شمتو الأعادي وبيضحكو من بعيد
لإمته يا مصر ولادك يعيشو في رعب وتهديد
نفسي الأمان يرجع ليكي من جديد
وترجع الضحكه في عنيكي وشموعك تئيد
يا مصر يا أم الدنيا وهتبقي أد الدنيا
بالمختصر المفيد
أنا بنت مصر
كلماتي حنان ابراهيم طرمان
