ثقافه وفنون
جنة
ملاك تشوفها تحبها
يخفى القمر من ضيها
لكنها غابت خلاص
كان نفس حضنى يضمها
بسمه أمل فوق الجبين
تسرق عيون العاشقين
ضحكتها صافيه بحبها
قلبى عليها صبح حزين
فى جمالها فرحه كما القمر
ملعون ياناس غدر البشر
يرحمها ربى برحمته
من بعدها الفرح انتحر
حزينه ع غيابك ياجنه
وجدو من بعدك حزين
وبندعى ربنا يعينا
ع الأشتياق وع الحنين
وماما برضه ياقلب ماما
حياتها صبحت مستحيل
هتحضنك يوم القيامه
وتكونى للجنه دليل
احنا السبب حقك علينا
لما لشيطان يعمى عنينا
يغدر ونسكت ع الضلال
والحق يبقا ياناس شمال
والصمت يصبح من دهب
وتضيع حقوق المظلومين
ونذلهم من غير سبب
ماتفقوا ياللى مغمضين
حتى البراءه بتتسرق
وقلوب احبه بتتحرق
ومن كدبكم ياللعجب
فين الأمان فين العداله
ولا الكرامه بقت محاله
وولادنا عادى تتقتل
والحق معموله أزاله
كلمات
نورالجنه درويش
أهداء الى روح الشهيده الملاك البرىء جنه جادوربى يرحمها ويصبر قلب احبابك
