ثقافه وفنون
بنك الفقر
خلى ذكراكى الجميله
ترفض قساوة ذلنا
اتولدنا فى يوم وليله
واوجاعنا سرقة حلمنا
متحاسبنيش من غير تمن
ميكفنيش قرض الزمن
لو تدفعيه وقت الغلا
ليه تِقدرى وقوع البلا
قبل الطابور مايعدى
نص المجروحين
مابلاش غرور
سددت دينك من سنين
وأنتى البعيده كما القضا
جايبلنا عله موحده
ويا الأهااات
والفقر مصروفلى
بشيكات
وعزانا اصبح من سكات
حتى اللى فاضل مننا
شوية حاجات
مكتوب عليها البخت مااات
ومفيش عزا
إلا أذا
بنك الحياه
فكر وشاور حضرته
للمستحيل
انه يميل
ناحية بواطن ذمته
يضغط عليه فيثبته
وبدون رصيد
وحساب جديد
وبكل قوة يسكته
فيعود لحضن الذكريات
من غير ضمير
يقدر يبااات
والذمة فارقت ملته
كلمات : نورالجنه درويش
