الأدب
أنشودة حياة
أنشودة حياة
تحيه عطرة لكل شهداء الاوطان
فارقوا الحياة على يد من لايستحقون الحياة
قصيدة عاميه(المحاكية)
***************************
بابا ليه مش معاكم
بابا ليه مجاش معاكم
تعرفوه ولا متعرفوش؟
باب حامى ارض بلده
بابا واحد من الوحوش
حارس بيتنا وحياتنا
وعننا يدافع يحوش
اوعوا تقولوا ماتعرفوش
****
انا عمرى ما انسي صباحه
ولا حرصه على سلااااحه
ولما يفتح لى دراعه
القى هموم الدنيا راحوا
كل صبح ألقاه امامى
يندهنى بأحلى الأسامى
وحلاوته لم يردد كلامى
هو فين وحياتك قولى
وحياتى بعده مين فاضللى
انتوا ليه مستغربين
عيونكوا ليه هربانين
عاميلين ليه مش سامعين
كلمونى ياسرحانين
فين بابا نور العين
بابافين
بابا ليه مجاش معاكم
هو فين فى مكان قريب
ولا بعيد
سمعت اولاد الجيران قالوا
اسمه بقى شهيد
طب ازاى اسمى نهله بنت
سعيد
وازى سعيد يبقى شهيد
ده جنان اكيد
بابا ليه مجاش معاكم
فهمونى
ارحمونى
ولا وحده من اخواتى حكت
وامى حاضنه صورته وبكت
قلتلهم
بابا جاى بكره فى
اجازه
قالولى لا بكره الجنازه
هى الاجازه غيروا اسمها
بقت جنازه
بابا ليه مجاش معاكم
الشنطه دى اه شنطته
فيها مصحف وصورتى
هى وضحكته
وصورة لأخواتى وليا
ايوه هي وانا بشريطه
بنيه
طب قولولى مين اعطاكوا
حاجته
ماتقولوا مالكم
والدمعه ليه بتفر منكم
ليه الدموع ليه الأهات
اوعوا لا بلاش اه مجاش
وليه
اهات
اوعوا تقولوا بابا مات
جايين وجايبن السكات
بابا مش حشوفه ثانيه
مره تانيه ولا ساعات
بابا ليه مجاش معاكم
