قال الرئيس عبد الفتاح السيسي: مش عايز آخد وقتكم عشان قداسة البابا تواضروس، وتحتفلوا بعيدكم، كل سنة وأنتم طيبين، وأنتم في رحمة ونعمة من الله عز وجل".

وأضاف الرئيس السيسي: مش هطول عليكم، عايز أقول لكم أنا بتكلم ومن خلال الفرصة دي بكلم كل المصريين بقول إننا بدأنا طريق عاهدنا فيه ربنا وعاهدناكم بدأناه مع بعض وإن شاء الله هنكملوا مع بعض كلنا".

وقال الرئيس أنا خادم أمين وشريف للبلد.

قال الرئيس عبد الفتاح السيسي عقب وصوله كاتدرائية ميلاد المسيح بالعاصمة الإدارية الجديدة للتهنئة بعيد الميلاد المجيد: "ندعو الله دائما أن يكمل لنا وهو من يسبب الأسباب".

وأضاف: "مش عاوز أطول أكثر من كدة، بس عاوز أقولكم أن الجمهورية الجديدة هي جمهورية الحلم والأمل، جمهورية العلم والعمل، المسالمة وليست المستسلمة، هنبنيها مع بعض، أي تحدي وأي صعاب تهون لو كنا على قلب رجل واحد، كل عام وأنتم بخير ومصر بخير والدنيا كلها بخير، كنت أتمنى أسلم عليكم كلكم وأحييكم كلكم، ربنا يحمينا ويحميكم من الجائحة قداسة البابا كل سنة وأنت طيب".

قال الرئيس عبد الفتاح السيسى، إن الطريق الذي بدأناه زي ما بنقول وسمعتم يمكن الجمهورية الجديدة تتسع للجميع تتسع لنا كلنا دون أي فرق وتمييز نعيش فيها بسلام وأمان مع بعض.

وأضاف الرئيس السيسي، خلال كلمته من كاتدرائية ميلاد المسيح بالعاصمة الإدارية الجديدة: بقول الكلام لكل الناس ولكل المصريين وليس حد بعينه أوعى حد يدخل بنا، اوعى حد يفتنا لأن هذا لن ينتهى وكل ما كل ننجح.

وقال الرئيس: أنا طولت كده، موجها كلامه للمصريين قائلا: بقول الكلام ده لأن في الأيام الجميلة ده والله بنحبكم.

وأضاف الرئيس السيسى: ربنا يعينني أن أكون خادم أمين شريف للبلد ده وليكم ربنا يعينا على كدا.

كما أشاد الرئيس السيسي بمواقف البابا تواضروس الثاني.

واستقبل شعب الكنيسة القبطية بكاتدرائية ميلاد المسيح بالعاصمة الجديدة الرئيس عبد الفتاح السيسي بالورود والزغاريد ولافتات السيسي رئيسي.

ووصل الرئيس عبد الفتاح السيسي إلى كاتدرائية ميلاد المسيح بالعاصمة الجديدة لتهنئة قداسة البابا تواضروس الثاني بابا الإسكندرية وبطريرك الكرازة المرقسية وأقباط مصر بمناسبة الاحتفال بعيد الميلاد المجيد.

كما بعث الرئيس السيسي ببرقية تهنئة إلى قداسة البابا تواضروس الثاني بابا الإسكندرية وبطريرك الكرازة المرقسية بمناسبة الاحتفال بعيد الميلاد المجيد.