فضح موقع "قطريليكس"، التآمر القطري الخسيس على مصر، ونشر الفوضى بها، ومدى الدور التحريضي الذي لعبته قناة الجزيرة ضد المجلس العسكري بعد تنحي الرئيس السابق محمد حسني مبارك، إلى جانب الضغط لإقالة رئيس مجلس الوزارء أحمد شفيق.
 
ونشر الموقع تسجيلًا صوتيًا مسربًا لمكالمة هاتفية بين مذيع قناة "الجزيرة" القطرية أحمد منصور، ومدير مكتب القناة السابق في مصر عبد الفتاح فايد.
 
وخلال التسجيل، قال منصور لفايد في المكالمة: "في مظاهرة من 200 إلي 300 شخص رافعين صور مبارك خارجة من شارع "محمد محمود"، وفي طريقها لميدان التحرير، إبعت حد يصور وبثها أطول فترة ممكن علشان تستفز الناس".
 
وجاء باقي التسجل الذي دار بينهم كالتالي:
 
- منصور: أهلا يا مدير إزيك
 
-فايد: إزيك يا عمنا
 
-منصور: أخبارك أيه عن فلول الثورة المضادة
 
-فايد: والله الفلول شغالة
 
-منصور: في مظاهرة من 200 إلي 300 شخص رافعين صور مبارك خارجة من شارع "محمد محمود" وفي طريقها لميدان التحرير، إبعت حد يصور وبثها أطول فترة ممكن علشان تستفز الناس
 
فايد: صحيح
 
منصور: بدأوا يوقنوا إن الثورة بقا نجحت وقاعدين مرحرحين يبقا كويس
 
-فايد: لا دا صحيح ما هي موضوع الشرطة
 
-منصور: الشرطة.. موضوع الشرطة دا مؤشر خطير
 
- فايد: دا خطير جدا ما هو النهارده يعني إيه أمناء الشرطة إمتى افتكروا أن ليهم حقوق وإنهم ملظومين
 
-منصور: لالالا أمن الدولة بيحرك كل حاجة... كل ضباط أمن الدولة رجعوا الأمن الوطني.. ولا واحد فيهم اتشال من مكانه
 
-فايد: لا محدش اتشال صح
 
-منصور: اه هما غيروا اليافطة وغير الراجل رئيس الجهاز لكن الناس زي ما هي
 
-فايد: وشغاليين اه اه لا كارثة
 
- منصور: كل الناس زي ماهي
 
- فايد: إذا مفيش يقظة والله ممكن يعملوا كارثة في البلد
 
-منصور: حتى في واحد كدا من الناس الناس اللي بيعقدوا معانا كان حد استدعاه قريب كده وقالة احنا عرفينك بتقعد مع أحمد وتروح وتيجي قالهم أنتم لسه بتتصنتوا على كل حاجة زي ما أنتم كل حاجة شغالة.
 
وفي جزء آخر من المكالمة، طلب منصور من فايد ضرورة تكثيف نشر البيانات الإعلامية للائتلافات الثورية، إلى جانب تكثيف التغطية الإعلامية للتظاهرات والاعتصامات التي من المُقرر أن تنطلق في عدد من المحافظات المصرية آنذاك، خاصة في طنطا والإسكندرية.
 
واتفق منصور مع فايد على إرسال قاعدة بأسماء الضيوف من الشباب الموالين لهم والتي ستقوم الفضائية بإجراء مداخلات وحلقات معهم.