الأدب
قلب مصدى
قلب مصدى
********
مش مشكلتى
انك مش حلوه
لا مااقصدش
كلام ع الوش
كل ماقلبى
يردد غنوه
تشكرى فيا
وكلك غش
عيبك انك
مش بتحبى
ولاتعرفى
للحب مكان
واما تشوفى
الخير تتخبى
تلدغى فيا
ولاالتعبان
طب بالذمه
هاقولك ايه
وانتِ بجد
الغل ماليكى
طب قولتيلى
بحبك ليه
روحى ياشيخه
الله يهديكِ
كل مااعلم قلبى
القسوه
القى السكه
عليه مقفوله
كرهتينى
ف نون النسوه
فكرتينى
بقصص الغوله
تعمل صاحبه قال
وحبيبه
جوه العقل خطط
شغاله
وشها يرسم اجمل طيبه
هوبا ف لحظه تجيلها
الحاله
تقلب حقد وكره ونار
تلقى الحلو اللى
انت عملته
يصبح سم وكله مرار
مش بتكلم انا ع الشكل
مش راح اعيب ع المخلوق
اصلا قلبك لوكان طيب
كنت شكرته بكل هدووء
*******
نورالجنه درويش
