الأدب
... ' بتغير عليا ' ...
بتغير عليا .. !؟ بتحبني .. !؟
يبقا تسمعني
وكمان تعاهدني
تنام على حسي وعلي نفسي
وتملا عيونك بملامحي
وضلوعك في عز الليل تكون سكني
وبين دراعتك يكون وطني
وجفونك في نظرتك ليا تحرسني
عاهدني ....
يكون ليا مكان جواك
وداخل روحك انا سكناك
واكون سفينتك في بحر هواك
عاهدني ....
مايشغلك عني بنات حوا
وحتي لو كان ليهم في الغرام والعشق قوة
عاهدني ...
من نهر حبك ترويني
و نبض قلبك يحيني
وجوة حضنك تحميني .....
وانا من جوة القلب هادعيلك
ربي من نعيمه يزيدك
ومن واسع فضلة وكرمه يديلك
وتكون الضي لعيوني والكحل لجفوني
وجوة قلبي وروحي يديمك
