الطلاق الصامت يجلس علي العرش داخل فى بيوت المصريين حكايه داخل البيوت المصرية لانحب أن نتكلم

عنها ومعظم البيوت تعيش كالنعامه وتدفن رأسها في الرمال تعالوا لنرى ونعرف بعض الأسباب ونعرف

طرق بسيطه للحل للوصول إلى نتيجه مرضية تريح البيت المصري يمكن بيوتنا تهدأ الأول تعالوا نعترف أن

السبب الرئيسي والمهم أن التراكمات بتهد رصيد الغلاوة٠٠٠ف٠٠ماحدش يراهن علي قوه وتحمل ومحبة

إللي قدامه علشان ف يوم ممكن وأنت مش حاسس ومتمادي فالأب  تصحي تلاقيه غلاوتك بقت عنده

"صفر" والجواز علاقة زي اي حاجه في الدنيا محتاجه اهتمام وعناية كل لما تهتموا بجوازكم والعلاقة بينك

وبين شريك حياتك اكثر كل لما الحب إللي بينكم ليزيد طيب إيه إلي بيحصل !!!!!!!!!!!!!!! ليه بيوتنا حزينه

والصمت متواجد وحالات الطلاق الصامت كثيره والكل مش مستريح البال وفقدنا الضحك والفرحه وكل 

واحد في الاسره محمل الطرف الآخر السبب ونلاقي أن ألست المصرية تفكر أن التجديد في حياتها الزوجية

يقتصر علي فكره تغيير""اللوك"كالذهاب لتغيير لون الشعر فقط دون النظر لفكره التجديد الفعلي بها كتغير

طريقه التفكير اوحتي المزاح طب الراجل الشرقي والمصري بالاخص فين دوره في مساعدة الزوجة علي

تجديد حياتهما الزوجية غير الاعتراض المستمر والنقض الهدام في الحياة ياناس عاوزين حوار بصوت

مسموع بين جميع الأطراف علشان البيوت تهدأ ياخلق مافيش حد صح علي طول ولا حد غلط علي طول

ممكن نسمع بعض عاوزين نسمع بعض البيت بيتنا إحنا عندنا ازمه في ثقافة الاستماع لأسباب متعددة تعرفوا

أن بعض منا يخاف من الحسد والبعض الآخر من نظره المجتمع باعتبار أن بعض الاشياء عيب في نظره

ورغم التعليقات التي يطلقها أغلبنا علي طريقة استمتاع الأجانب بحياتهم لم يحاول أحدنا تقليدهم، فالرسول

صل الله عليه وسلم كان يتسابق مع السيدة عائشة وهذا يعني أن الله خلقنا للاستمتاع بحياتنا الزوجيه لكننا

نهتم دائما بالتركيز علي نظره المجتمع لنا دون النظر لأنفسنا ٠ وعلشان كده تعتمد نجاح العلاقة الزوجية

على الطرفين ولا يمكن أن نحمل أحدهما مسؤولية فشلها أو نجاحها منفرداً وعلشان البيوت تهدأ وتنجح لابد

من الحرص علي اشباع أربعة احتياجات حتي لا يبحث كل طرف عن تلك الاحتياجات مع الغير ١/الاشباع

العاطفي وده اذي. اقدر على توصيل مشاعري للطرف الآخر واجعله يشعر بحبي له، ٢/الاشباع العقلي وده

معناه القدرة علي الحوار وتوصيل وجهه نظري ٣/الاشباع الروحي هي القدرة علي فهم احتياجات كل منا

دون الحاجة للشرح أو الحديث ٤/الاشباع الجسدي وهي كل طرف يعرف رغبات الطرف الآخر ويعمل علي

تلبيتها واشباعها الدنيا كلها تمشي بقانون المكسب والخسارة إلا بيوتنا عوزنها تمشي بقانون الكل كسبان

الزوج والزوجة والأولاد خالي البيوت تهدأ وتخرج من الصمت إلي طريق الامل

#كلام في الصميم# ماجده

الروبي