الأدب
فتحوا عقولكم معايا لو سمحتم
فتحوا عقولكم معايا لوسمحتم
عشان هاقول كل الحكايه من واحكموا انتم فكره وجاتنى فى عز همى ناس كتير حارقين لى دمى من
كتر غل قلبهم الغدر طبع فى دمهم .
ربى يرحمنى منهم اشباه بشر براس بقر عايشين يغلوا ويحقدوا ولو شافوا حالى بيحسدوا .
ويقولوا عايشه فى الهناا عيشتها احسن مننا وكلام كتير شعر وغنا بس المهم انهم غاوين خداع الوشوش يتلونوا بمليون قناع .
حاجه غريبه ومقرفه قلوب مغطيها الجفاا ويغلطوا كده فى الخفاا ويقولوا قال عايشين صراع فين الأمانى الطيبه بين النفوس المتعبه .
وكلام كتير مقدرش اقوله فى اللى يسهر يوم بطوله يتمنى يبعد من سكات يصرخ ويملى الكون اهات من جرح واحد كان صديق
اسفه ده كان عامل صديق وقت الخطر سابه فى طريق مخنوق وحالته مهببه احلامنا صبحت مرعبه مالناش حبيب نستأمنه على
عمرنا وعلى حلمنا والماضى ليه نستعجله وحياتنا ليه متعذبه مابين أمل وبين دموع وناس بتحلم بالرجوع فرحتهاعجزت فى الصبا .
ليه الخداع بقا امر عادى والحب مبقاش وسطنا ليه اللى خان واقف قصادى ووقاحته تكوى قلبنا هو الضمير ليه احتضر والرحمه
ماتت يابشر عشان كده دايما بقول اشباه بشر برؤؤس بقر يسلم لى قلبى اللى انتحر من غدركم من كدبكم ولا نسيتوا نفسكم
وفاكرينا طبعا زيكم صورة ملاك وقلوب حجر.
