الأدب
... ' ثم أبوك ' ...
قاله أمك ثم أمك
ثم أمك ثم أبوك
ثم كان واجب علينا
نمشى على نهج الرسل
..
شوفت يابا إن إنت قدوه
وديننا ضارب بيك مثل
….
إنت أحق الناس بحبى
وإنت أحق الناس بقربى
ترضى عنى فيرضى ربى
فأحس قلبى بيغتسل
….
مهما أهد ألقاك بتبنى
مهما أسأل بتجاوبنى
مهما أقول عنك لإبنى
إزاى مرار يوصف عسل
….
طول حياتك إنت ضلى
وف مماتك إيه فاضلى
ما نفعنى ف لحظه خلى
واللى قاطع ما وصل
…..
بادعى ليك أنا كل يوم
لما باصحى وأما أقوم
وأما أفطر بعد صومى
بيك تملى انا متصل
