ثقافه وفنون
الصعايدة
الصعايده تاج لراسنا
عهد مش ممكن يحيد
يعني لما تقول صعيدي
ينحني ليك الحديد
الصعايده فيها قوه
يعني ناس تعرف ميروه
يعني إحساس بالفتوه
يعني سيد من غير عبيد
الصعايده مش عواله
يعني ناس تفهم قواله
يعني حق و يعني صدق
يعني مهما كنت غايب
قلبنا يقرب بعيد
الصعايده حريمها واعره
يعني لو بان طرف شالها
تلقي نار الدنيا والعه
يعني مليون م الرجال
يسوي ست من الصعيد
إحنا ملناش ف الحديت
إحنا اسياد التمام
يعني لو شر ابتديت
إحنا بنرد بسلام
بس لو ع العرض جيت
قول علي الدنيا السلام
ردنا حازم قوام
يعني ملناش في الوعيد
صبرنا هد الجبال
العيال في بلدنا تحبي
يحسبوها من الرجال
و الصبي لو شد عوده
ينكسف منه الجريد
نحترم كلمة كبيرنا
حتي لو ضد الحبايب
نشفق و نرحم صغيرنا
حتي لو كان فينا عايب
يعني من بدء الخلايق
لﻷصول و الحق لايق
حتي لو كان بينا شايب
عمته ع الراس تليق
يعني لما تقول صعيدي
ينحني ليك الحديد
أصلنا لﻷصل أصله
فكرك إنت في الحكايه
يعني ضفنا شئ جديد
