الأدب
... ' بكائيات ' ...
مفروض اتاوة عاللي واقف واللي قاعد واللي نايم واللي تاه...الكلام عداد يعد والسلام..واللي يسكت برضه يدفع من سكات...فقير وماسك لقمة حاف...عليه اتاوة..لوحتي ميت عالسرير...ميندفنش اللي بأتاوة.دا أمور رخامة...شوفوا الاباطرة شوفوا الدكاترةو دخلهم فيزيتا واحدة بمعاش فقير ويمكن أكتروأوعاك تقرب منهم ولا حتي تيجي جنبهم متحصنين من الضرايب معفيين بيدفعوا لناس كتيرسجلهم مكتوب فقير تقرير كمان بينكتب ..
عيادة فاضية في الشهر كام...مليون جنيه ويمكن اكتر...مين اللي ييجي جنبهم.ولا المدرس عامل مدارس جوه البيوت. مليانة طلبة اوضة الجلوس... دروس وحصة الفين جنيه والطلبه عنده الف وكسور في كل شهر رصيد في بنك يكبر يزيد...دم الفقير مصوه يابيه. فين الضرايب يامغفلين...الغوا المدارس ياكدابين يامصاصين دم الغلابة والجياع...تجار اراضي بوروا ارض الغلابة اللي كانت مزروعة قمح ورز ياما...بقت مباني في السما طايلة السحاب...والشقة قول مليون جنيه..معاك يابيه...انا ابن مصر بحبها لا ليا ذقن ولا عمري يوم يوم خنتها بقولها كفياكي نوم...اصحي وفوقي وانهضي لايخطفوكي الديابة المسعورين.....الشاعر محمدالسقا....
