الأدب
أبو العريف
واحد آعد على الدكه
عامل قاضى
ماهو راجل فاضى
لما نعوزه يمد فى بوزه
ويقول مش قاضى
حامى حما قبيله بنى غفلان
فيها الحافى وفيها العريان
يبصم بالعشره
وﻻ يعرف يطرح واحد من عشره
آعد على الدكه مستنى جرايه
ماهو راجل فاضى
يملى عقول فاضيه
عن ابطال من نسج خيال
راجل خيال
عمره ما ساب يوم الدكه
راجل فاضى عامل قاضى
وفى صدره معلق كام خرزه
وساعات جلبيه وساعات بدله
وبخور هندى وجاوى وحجاب
مكتوب بقلم حبره من دم غنم
يفتى ومالوش فى الفتوى
وﻻ له ترخيص من دار الإفتى
ظاهر على شاشه لقناه فضائيه
بتمولها عقول هدامه
ابو العريف فى كل مكان
بلسان ممدود
يتشنكل فيه راجل غاوى
يسمع من الأخرص حكاوى.
***************************
شعر رحاب رفعت
