كتاب وآراء
زعل ولاد الأصول..؟
من اصعب انواع الزعل .. الزعل اللي صاحبه بيبقي ساكت خالص ومش مدي اي رد فعل .. وبشوفه انه في الاغلب بيكون زعل الناس الراقية الاصيلة .. اللي مش عايزة تدخل معاك في شد و لا صدام ولا تلقيح كلام وتجريح ..مش طريقتهم ولا اسلوبهم خالص.. لانهم بيراعو اصول العشرة اوي حتي لو اللي قدامهم ماصنهاش.. فا بيفضلو ساكتين وكاتمين زعلهم جواهم و واخديين منك جنب او بيقرور انهم يسيبو كل حاجه ويمشو خالص.. وساعتها بيبقي من الصعب اوي عليهم ان الزعل دا يزول مهما قولت او عملت لانهم مابقوش مستنين منك حتي انك تراضيهم.. لأنهم اما وصلو للمرحلة دي مكنش بالساهل عليهم و الاسباب كانت قوية اوي ..يعني مابقوش كده من فراغ ولا من يوم وليلة .. وغالباً بيكون اسبابه نتيجة صدمة في شخص عمرهم ماكانو يتوقعو منه اللي عمله و انه طلع في النهاية كده .. او بيكون نتيجة يَأس واحباط من العتاب والكلام و وصلو لقناعة ان خلاص مفيش فايدة .. او الاصعب من كده بقي انه بيكون فاض بيهم و قفلو الموضوع نهائي ومش عايزين ولا متقبلين ان اي بني ادم في الدنيا مجرد حتي يفكرهم بيه .. وللأسف في الحالات دي .. بنسبة كبيرة اوي هتكون خسرتهم للأبد ..
