هاجم الفنان بيومي فؤاد، الممنتج محمد السبكي، بسبب فيلم "ماطرح ما تروح"، قائلا:" العزيز اللي غدرته وسقوط قناعه وجعني وعمل شرخ، اللى حصل إني اديتله الفيلم وهو بتاعي وناس جامدين جدا طلبوا مني يعملولي الفيلم وأنا فضلت محمد السبكي وروحت وديتهوله، والمؤلفين اشتكوا منه بسبب الأجر فأنا اديتلهم من معايا علشان يمضوا، فضغط عليهم ومضوا وبعد ما خلصنا كل الحاجات مضا المؤلفين التنازل وغدر بيا وجاب محمود حميدة يعمل الفيلم".

الأزمة الصحية لبيومي فؤاد بسبب السبكي

وتابع خلال لقائه ببرنامج "انا والقناع" المذاع علي قناة "الحياة":"الفيم هينزل في العيد، عمري ما اشتكيت ولا تعبت لما سمعت الخبر ضغطي علي ووصل لفوق الـ50 وكان هيحصل انفجار في عيني وروحت للدكتور علطول قاللى لازم نفتح عمليات حالا، مبعتش للسبكي ولا كلمته ولا قربتله فقط قلت حسبي الله ونعم الوكيل".

انسانية أحمد السبكي

وأكمل بيومي فؤاد:"انا كنت صديق للسبكي وحبيب الأسرة جدا، وأنا شايف أن احمد السبكي من أكبر المنتجين في مصر ومفيش حد له عنده جنيه واللى بيتفق عليه بياخده الفنان وعندن إنسانيات كتير لكن محمد السبكي في الموقف اللى حصل معايا عكس أخوه".

حياة بيومي فؤاد

وقال:"انا اتربيت اني محبش اوي علشان مزعلش اوي علشان مكرهش أوي علشان معياش أوي، فأنا دايما باحتمل في الشخص الغدرة".

الضيف السادس

وبيومي فؤاد هو الضيف السادس مع منى عبد الوهاب خلال برنامج "أنا والقناع"، بعدما عرضت أمس حلقة شيماء سيف، وقبلها النجم شريف منير، والفنانة نيللي كريم وقبلها الفنانة يسرا وقبلها الفنانة غادة عادل، وفي انتظار الإعلان عن عدد من الأسماء والمفاجآت التي يقدمها البرنامج خلال الأيام المقبلة.

وتحاور فيه منى عبد الوهاب في البرنامج عددًا من الفنانين، وتكشف العديد من الكواليس الخاصة بحياتهم الفنية والشخصية.

ويأتي موعد برنامج “أنا والقناع” على قناة “الحياة” في رمضان 2023، في تمام الساعة السادسة والنصف مساءً، ليُعرض بعدها على قناة cbc في تمام الساعة العاشرة مساءً.