ودجال هذا الزمان بلا منازع قولاً واحداً هو السوشيال ميديا بكل أشكاله

أولاً .. بيوت مفضوحه .. سؤال هو أنا ليه أقول لمراتى إني بحبها أصلا على السوشيال ميديا ؟.. وليه هى تقول لى قدام كل الدنيا إنى أحسن إختيارتها ؟.. ببساطة لأننا بنقول للناس .. مش لنفسنا .. لأننا لو صادقين فعلا مش هنحتاج نعمل ده ..

ثانياً .. كارثة التكسب من السوشيال ميديا .. اللي خلت بنات كتير تتعري وترقص .. وأمهات تسقف .. وأباء يدوروا وشهم الناحية التانيه .. اللى خلت أزواج يعملوا دويتوهات توصف أدق تفاصيل حياتهم ..

حلم الفلوس والشهرة .. والناس اللى لسه موصلتش .. اللى بتشوف الكلام ده وتتفتن .. وبتشوف ناس من قاع المجتمع وهي طالعه تتنطط وتتفاخر بفلوسها ..

ثالثاً وهى الأهم .. الناس اللى شافوا بتوع قاع المجتمع بقوا بلوجرز وإنفلوينسرز ويوتيوبرز .. صور الفيلل .. واللاند روفر .. وحفلات المشاهير والإعلانات .. العين تشوف .. والقلب يشتهى .. والموضوع يبان سهل .. والسبب "مد العين" .. السوشيال ميديا أصبح الراعى الرسمى لمد العين الناسف للرضا والجالب للسخط والتذمر على كل النعم ..

﴿ وَلَا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ وَرِزْقُ رَبِّكَ خَيْرٌ وَأَبْقَى ﴾