كان زمااااان ..!!

****************

كان زمان فى قلوبنا حاجة

اسمها الضمير .....وخاب

كان كـــــــلامنا كله  فايدة

مش نجيب سيرة الصحاب

كنا بـنوّد اللــى يمـــرض

كنا نســــــأل ع اللى غاب

والفقير كـــــــان بينا قيمه

حتى لـــو( رث) الــثيـاب

كنا نجرى عشان نساعدة

لجــــل نكسب ف الثواب

كان ساعتها القلب أبيض

زى ما يقــــــــول الكتاب

وكات بناتنا  بتمشى  آمنه

حتى لو من غير حجــاب

واللى كان يحرسها جارها

مــــش يشـــدّ  لهـا الثياب

اخت صاحبك زى اختك

سعد ، أحمـــد أو مُهـــاب

كان ما بينا العشرة حلوة

والصحاب كانت صحاب

واما كــان يترد بـــــــاب

يتفتــــــح لك الف بــــاب

كان كبير يشخط فى ابنه

كـــــان يطيعه ويستجاب

كان مـــا بينا فيه مـــودّة

للكبير أبو شعـر شــــاب

العتاب كــــان بس كلمة

نظـــرة تكفى فى العقاب

كــان خبيز الحب لقمـة

بـــس أطعـــم م الكـباب

كان زمان اللحمة لحمة

مش حمير أوشيش كلاب

كان أبوك بيراعى دينة

كان بيخشى م الحساب

كــنــا بـنقــدّر شـيــــوخـنا

مش لواحدة بوسط ســــاب

كان زمــان (النّت)  ملغى

والشباب ماعرفش (ساب)

كنا نســمـع احلـى غــنوة

مش هبل او شغـــل راب

كنا عـــارفين مهما نعلى

برضة آخــــرتنا التراب

..................

أحمد حسن عمر