الأدب
النصاب
النصاب
النصاب له نص الدنيا
ماشى فيها بالطول والعرض
لو قولتله دى ياراجل فانيه
هيلم عليك طوب الأرض
النصاب فاهم مش هاوى
عارف امتى وفين وازاى
يضحك ع اللى معاه بحكاوى
يكسبهم بعزومة شاى
كل مايعلى يزيد احباطى
افضل اضرب كف بكف
شوفت ازاى الصنف الواطى
كل ما يكبر عقله يخف
والسنيده كتير حواليه
راسمين روحهم طب على ايه
لاجل اللقطه تكون مظبوطه
ويقولوا يسلم سيدنا البيه
نور درويش