سخر رواد مواقع التواصل الاجتماعى من المتحدث باسم للجيش الإسرائيليى أفيخاى أدرعى ، بعد زعمه تحقيق إسرائيل النصر العسكرى فى حرب أكتوبر المجيدة فى نهايتها، وهو ما جعله تحت نيران وقذائف رواد السوشيال ميديا.

كتب محمد الغايش تعليقاً على أكاذيب إفيخاى إدرعى، قائلاً:" لا صح كلامك صح وأكبر دليل إن سيناء لسه معاكم وخط برليف مدمرش ومحدش مات من عندكم ولا سلاح الجو بتعنا ظبطتكو ولا كنتوا بتجروا زى الفئران فى الجحور ولا أمريكا عملت جسر جوي لإنقاذ إسرائيل".

وأضاف مصطفى عبد الرحيم :" واضح أوى دموعك وقهرتك بين السطور يا فيخو ومن خلال هذا المنشور أتقدم بأجمل التهانى إلى أبى أطال الله فى عمرة أحد أبطال حرب أكتوبر المجيدة الذى قتل على يده مئات الصهاينة وكان تسليحه مدفع خفيف 45 درجة ".

وقال ضياء مجدى: " يا ترى إحتلالكم للأراضى المصريه كان على أساس ايه؟؟ أرضكم ووطنكم ولا إحتلال وتعدى على دول مجاوره يا مدعين السلام ..ولو كان لا قدر الله النصر حليفكم فى 73 كان هيبقي شكل تاريخكم إزاى يعني كان هيبقي مكتوب فيه إنها أرضكم ولا كنتم هاتبقو واضحين مع أولادكم".

وتابعت أمل صبحى ميخائيل: " على فكرة فيه دكتور نفسي بيعالج التهيئوات ممتاز فى مصر أعتقد محتاجة يا فيخوووو صدقنى نصيحة مخلصة علشان حسن الجوار ياض ده خدنا سيناء لأخر فتفوتة انتصار ايه اللى جاى تقول عليه اتعالج نصيحة".