منوعات
البلاستيك الصحى و الضار
هل تعلم أن البلاستيك درجات منه الصحي ومنه الضار ؟
مع بداية العام الدراسي ، كلنا بنشتري لأولادنا زجاجات مياة وعلب مدرسية للسندوتشات مصنوعة من البلاستيك.
المفاجأة اللى ناس كتير ما تعرفهاش إن فيه أنواع بلاستيك ضارة جدا بالصحة وبعضها ممكن يسبب العقم والسرطان وأمراض الكبد والكلى ......!
علشان كده لازم كل واحد مننا يعرف إزاى يتعرف على البلاستيك الصحي من الضار.
الأشياء المصنوعة من البلاستك يوجد عليها علامة التدوير ودي عبارة عن رقم داخل مثلث مطبوع على العبوة البلاستيكية من تحت ، والرقم ده هو اللى بيحدد خطورة أو أمان هذا المنتج البلاستيكي.
* لو لقيت البلاستيك مكتوب عليه أرقام 3 أو6 أو7 ، ده معناه بلاستيك ضار جدا وسام ، ولا يوضع به أى طعام أو شراب.
* ولو لقيت البلاستيك مكتوب عليه أرقام 1 أو 4 ده بلاستيك وسط يعني ممكن يوضع فيه الطعام ولكن لمرة واحدة فقط.
* أفضل بلاستيك اللى مكتوب عليه أرقام 2 أو 5 ، واحسنهم رقم 5 ، لأن ده امان وصحي جدا.
* أما فى حالة عدم وجود أى رقم على البلاستيك ، ما حدش يشتريه لأنه غالبا مصنوع من بلاستيك غير معلوم المصدر ....
نخلى بالنا من الرقم اللى فى المثلث تحت عبوة البلاستيك زى ما هو باين فى الصورة.
ما تخليش البلاستيك يدمر صحتك.
