علق الإعلامي عمرو أديب؛ على دعوات أعضاء جماعة الإخوان الإرهابية إلى إحداث الفوضى في البلاد أسوة بما يحدث في دولة سيريلانكا.

وقال أديب خلال برنامج "الحكاية" المذاع على قناة "أم بي سي مصر": "أنت وصلت لمرحلة الكره والتدني أنك نفسك البلد تولع وتبقى على الأرض؛ لقيت هناك رغبة قوية أن مصر تبقى زي سريلانكا".

وأضاف: "نرجع تاني نبقى زي السنين اللي فاتت؛ جزء كبير من اللي احنا فيه دلوقت أننا كنا عايزين مصر تبقى زي سريلانكا".

وتابع: "اية الأمنية السافلة دي؛ هو أنت وصلت للدرجة دي؛ هو أنت مش قادر ترجع مصر وعايش هناك مالك ومالنا؟ دا البلد بتحط القرش على القرش؛ العيش والبنزين يبقي موجود".

وأكمل: "هو في دولة عقلها الجمعي يرضى بالكلام دة؟ هتستفيد ايه؟ الناس دي مبتكرهش البلد الناس دي بتكره واحد وعشان الواحد دة مستعدين لأي حاجة".

وواصل: "احدى الدول كانت تضع في مطارها لرئيس مش رئيسها؛ عشان يقدروا يشيلوا الصورة دي هدوا المطار كله وبنوا مطار جديد وهما برة بيعملوا كل دة عشان واحد بس".

وأوضح: "طبعا الهبل والعبط واللي بريالة كتير في بلدنا؛ فاكرين لما قالولك عايزين نوزع الفلوس على الناس؟ وهياخدوا زي اللي احنا خدناه؛ عارفين ايه اللي خدناه؟ الفوضى".

واختتم: "لو ناويين تجبيوها الأرض أنا تعبان ومركب دعامة؛ أنا مش قاعد؛ ناس تدخل زي المعيز زي الخرفان تقولك أيوه نكسرها وهو قاعد برة في الحلويات بقى".