الأدب
إعتزال
ضاق الطريق
اصبح محال
بس احتمال
ان اللى باقى
من وجودى
مالوش سؤال
قلبى اتوجع
ليه اتخدع
كان الجواب
اصعب كتير
من القرار
والأعتذار
اصبح امر
م المرار
بدلت راحتى
بويل ونار
كل اللى كانوا
قال صحاب
وقت الألم
سدوا فى وشى
الف باب
هاتقولى ايه
اسكت ياقلبى
بلاش عتاب
وعدتنى انك
هتكرهم بجد
ظلمتنى
مالاقيتش منك
اى رد
ورجعت اول الطريق
مسكين غريب
حالك يخض
وسابوك غريق
فى بحر مليان
بالوحوش
عاشرت ناس
مابيرحموش
راجع تقول
مكسور
ده بعد ماوقفت
فى طابور
مستنى تلحق
اى دور
يمكن يكون لك
الحياه
اثبت بقا خليك
صبور
فكر فى عكس
الاتجاه
ملعون قساوة
القلوب
لو تنزرع فى ارض
بور
بتحبوا ليه
تمثلوا مية الف
دور
ناس من شروركوا
اتأثروا
عشقوا الغرور
زودتواهمى اتقندلوا
كرهت والله اسمى نور
حتى الشيطان من ظلمكم
قرب يتوب
يعيش ويفهم منكم
معنى المعاصى والذنوب
لحد امتى هتفضلوا
بره الحساب
مش مرتاحين من شركم
ليه العذاب
بزياده ظلم بقولكم
ليه تقلدوا
طبع الغراب
لكن لازمنى
اعتزال
طبعا اكيد
مش احتمال
يكفى بقا
قولنا وقال
انا اخدت
خلاص قرار
من النهارده
مفيش محال
اللى هيتعدى
الحدود
هاعتبروا
معدوم الوجود
مش هانتبه
ولا ادى بال
وان كان ع الحب
اللى بينه
هامحيه فى قلبى
سنه سنه
واعدى فوق
كل الأمال
لو ع الوجع
ربك يعينا
هتقولى
ليه الاعتزال
احسن يكون
البخت مال
هأقولك اتصبر
ياخال
انا هاعتزل
كل اللى كانوا
حرام بقلبى
معرفتهم
وخلاص هاكمل
فى الحلال
وكفايه ينسونى
براحتهم
واعيش سعيده
وحالى عال
لازم اكمل الأعتزال
نورالجنه درويش
