الأدب
..... ' كان ياما كان ' .....
مابين الماضي
وبين الحاضر
شويه كلام
شويه وجع
شويه حطام
وكام صوره باهته
لشويه حاجات
وصندوق الورق
ولبسي القديم
وكشكول مسطر
ِِبحبر الزمن
وجمب البِيِبان
عصايه ابويا
وريحه هدومه
ماليه المكان
واسمي ورسمي
الي مالي الحيطان
وشجره تجمع
كل الجيران
وقعده غيطان
وسهره زمان
ولعبه في شارع
علي باب الجيران
وحكاوي في لمه
مابين الي كان
وكان ياما كان
عن الشاي في العصاري
وخالتي وجارتي
وقعده صحابي
وكام ليله مطره.تنسم علينا
وتملي الشوارع
بميه وطينه
ونجري علي الطين
نحني ايدينا
ومابين الشوارع
قصص وحكايات
ومين كان بيقعد
ومين فينا مات
ومين كان بيركن
علي حطام الي فاضل
من ذكري وكلمه وشويه مواجع
ومين كان مسافر
ومين كان مهاجر
ومين فينا فارق حبيبه وسابه
بنضحك مواجع
ولسه الي راجع بيحكي
حكايه شويه بشر
شويه هياكل
شويه مناظر
شويه عقد
علي كان ياما كان
بقلم . ياسمين رشدي
