علاقات مرهقه وقرارات صعبة في زمن مافييش فيه اختيار

في المشهد ده من مسلسل بينا ميعاد بنتها بتقولها احنا ملناش ذنب انك اخترتي بابا و شيرين رضا بتقولها انا اسفه اني اخترته اب ليكم حقيقي من اصعب المشاعر اللي بتعدي بيها اي أم هو زعلها و حسرتها علي ان اولادها مفتقدين يبقي عندهم أب كويس زعلها علي ان أولادها محتاجين قدوه ، أمان ، حنيه ، يحسوا انهم غاليين و متعازين ، اولويه و مايلقوش ده في ابوهم حسرتها علي بناتها اللي بيدوروا علي ابوهم في كل راجل يدخل حياتهم خوفها علي اختيارتهم اللي ممكن يبقي وراها انهم مش حاسين بقيمتهم و عشان كده بيرضوا بالقليل حتي لو علي حساب امانهم و غلاوتهم ربنا يكون في عون كل أم بتحاول تكون الأب و الأم بتحاول تربي لوحدها بتحاول تعوض نقص ڤيتامين الأب في حياه اولادها بتخبي وجعها علي فقد زوجها عشان ألم و احتياج ولادها اهم منها و نصيحه لكل بنت لسه بتفكر في الارتباط انها تفكر في شريك حياتها كأب لأولادها مش بس كحبيب و شريك دوروا علي شريك : ١-عارف يعني ايه التزام و مسئوليه ٢-عنده مبادئ و قيم ٣-بيعرف يحب و يواجه و يعتذر اما يغلط ٣-اما علاقه بتبوظ منه مش بيرميها لكن بيحارب عشان يصلحها ٤-شريك بيقدر العيله و بيشتغل علي نفسه عشان يكون انسان صالح ٥-شخص بيعرف يدي مش بس عايز يأخد ٦-شخص امين في القليل قبل الكتير ٧-بيطلب مساعده و مش بيكابر ٨-عارف الفرق بين الحب و الانانيه ٩-خلص مراهقته مش لسه بيدور علي اللي فاته ١٠-ليه كبير مش ماشي بس بدماغه ياتري في حد اخد قرار صعب

حكايات طنط ماجدة