كتاب وآراء
كلام في الصميم ' 3 '
في زحمة الحياة أحيانًا هتلاقي ظروفك صعبة أوي وعندك مشاكل كتير وهتكوني حزينة وساعات هتحسي إن خلاص الدنيا هتقف على كده وإن ده أكبر حزن ممكن تعيشيه في حياتك، لكن مع الوقت هتكتشفي إن كله بيعدي والدنيا مش بتقف على حاجة ولا على حد، بس على الجانب التاني هتلاقي ناس فعلًا محتاجين منك كلمة أو ابتسامة أو حتى جنيه، وإن حياتهم فعلًا واقفة على مساعدتك دي ياريت متبخليش عليهم، عشان هتكتشفي في النهاية إنك إنتِ كمان كنتِ محتاجة لهم زي ما هما محتاجين لك، لما توقفي يوم الحشر وتلاقي ميزانك طب بسبب ابتسامة او كلمة أو فعل طيب بذلتيه لوحدة كانت بتودع اخر أمل لها في الحياة وإنتِ بمساعدتك رجعتي لها الأمل ده تاني، وأفتكري إن النبي عليه الصلاة والسلام قال "أَحَبُّ النَّاسِ إِلَى اللَّهِ أَنْفَعُهُمْ لِلنَّاسِ، وَأَحَبُّ الأَعْمَالِ إِلَى اللَّهِ سُرُورٌ تُدْخِلُهُ عَلَى مُسْلِمٍ، أَوْ تَكْشِفُ عَنْهُ كُرْبَةً، أَوْ تَطْرُدُ عَنْهُ جُوعًا، أَوْ تَقْضِي عَنْهُ دَيْنًا، وَلأَنْ أَمْشِيَ مَعَ أَخٍ لِي فِي حَاجَةٍ، أَحَبُّ إِلَيَّ مِنْ أَنْ أَعْتَكِفَ فِي هَذَا الْمَسْجِدِ يَعْنِي مَسْجِدَ الْمَدِينَةِ شَهْرًا".
فهل جزاء الإحسان إلا الإحسان ؟! 
