منوعات
كلام آخر الليل
زي ما بيكون صعب تتعامل مع إنسان بسبب كذبه ..
أحياناً بيكون صعب تتعامل مع إنسان من كتر صدقه !
الشخصيه الصادقه .. الحقيقيه بتكون قويه أوي .. شفافه جداً ..
بتعرف تقرأك من جواك أكتر ما بتقرأ نفسك !
إحساسها بكل حاجه عالي جداً أكتر من الطبيعي ..
مشكلتها مينفعش يضّحِك عليها بكلمتين !
لكن هتظهرلك إنك عرفت تضحك عليها ..
عشان مبتحبش تكسف حد ! صِدقها علمها الرحمه والمغفره ..
لإنها مصدقه إن النفس البشريه ضعيفه وخطاءه ! فتظهرلك وكأنها هشه ..
مغلوبه على أمرها .. قليلة الحيله !
سهل جداً إرضاءها وصعب جداً إرضاءها !!
لإنها لن ترضى غير بالحقيقه .. بالصدق ..
الصدق بمعاييره الحقيقيه مش مجرد الصدق إللي عكسه كذبه تتوب منها !
الصدق إللي يولد القوه والرحمه والعزه والثقه لغة التواصل معاها هي لغة المعايير والمبادئ ..
وفي نفس الوقت عندها القدره تستوعب نقصك للمعايير والمبادئ بشرط واحد ..
الصدق ! فالتعامل معاها شرطه إيجادة اللغه !
إن الصدق هو منبع القيم .. نصيحه :
لما تلاقي شخصيه لغتها في التواصل هو الصدق وهو مفتاح شخصيتها ..
إبعد عنها ! ومتتعاملش مع الناس دي غير لما تجيد اللغه ..
لأنهم هيتعبوك وهتأذيهم اووي
