عرافة يا عرافة
وشهادة بالخرافة
يا عالمة وبتخرفي
ياجاهلة وبتعرفي

حالى امامك بان
ولا قافل ببان
ولا صحيح خفي
قولى لى ماله الزمان
من غير كلام فلسفي
حالى بعشقى جبان
ولا بجد ده عفي
قلبى من الحب جبان
ولا عاشق ولهان
قولى لي ما اشجعى
قولى لي ما أضعفي
؟
قالت هواك بلقاه
حاجات كتير قلقاه
لسانه كتير فصيح
طير وريشه ضعيف
فى زمن مخيف
طاير عكس الريح
شدوه كله الأه
اه اه
قولى لى كمان وكمان
عشقى من الضعفاء
ولا من الحكماء
ولا من الشجعان
قالت وقالتلى
لكن ما بكتنى
قالت وضحكتلى
شمسك ساعات 
تشرق
وساعات غايمه
اوقات كتير 
تطير
اشواقك
العايمه
وعيونك الصاحيه
ونصها النايمه
عشقك كتير موجوع
يبكى من غير دموع
يصرخ يقول انا فين
انا بين وبين
لكنه مش مسسسسسموع
اظن كده ريحتك
عرفت حالك من ريحتك
قولى لى قولى لى
نهارى ايه وليلي
وطريقي ودليلي
حبك ظاهر معايا
بيعشق محال
حاله خيال
ببن وبين
الصعب والهين
الشد واللين
وحاجات كتير
تلف 
شيفاه انا بالكف
الان حتبين
شايفه 
كل الاوضاع
حبك الباقي
وغيره اللى ضاع
سامعه انين النغم
نعم سمعاه اى نعم
وفاء صفاء بلا ندم
لايؤمن بالعدم
اسمع اسمع
انا كلمتى حكمه
وحكمتى حشمه
معايا لك حزمة
ما تحسب الحسبه
لا واحد لا خمسه
همس لك الهمسه
وصايا متجانسه
اشواقك متلامسه
وهواك مش آلة
ما مره يتعالي
نبضاتة شغاله
مايعرف التلوين
حلوين وغير حلوين
عايش حالة نعيم
يهيم كتير يهيم
حريم او غير حريم
يعدى ويعدى
يسرع ويهدى
نباته حنيه
يغنى اغنيه
لك السنين
شعوره كمان هايل
بالورد للكل شايل
ثابت وبتمايل
بين حين وحين
سلامه يكحل عيون
امانه غصن زيتون
ووكلامه طير يشدو
على كل الغصون
انا جد مش ثامله
وحديث بلا مجامله
لا صعب ولا لطافه
ولا رعب ومخافه
ده الكف واوصافه
من اضعف عرافه
با ابو قلب متقلب
غلب حالى وغلب
انا جد جد معاك
ومكنتش بألعب
ياعم روح يا عم
بلا مدح وذم
طريقك كتير واعر
لكنى حزعل لم
تكتبنى ياشاعر
عرافه ياعرافه
ياعالمه وتخرفي
يا جاهلة وبتعرفي